ABŞ-da Daniel Qvinn adlı şəxs başqasının cinayətinə görə 30 il cəza çəkdikdən sonra azad edilib.
NOCOMMENT.az xəbər verir ki, bu barədə “The Washington Post” məlumat yayıb.
Nəşrin məlumatına görə, Pensilvaniya ştatının Filadelfiya rayon prokurorluğu Qvinnin 1994-cü ildə ömürlük həbs cəzası aldığı cinayəti törətmədiyini etiraf edib. O, Marş Smitin evini yandırmaqda günahlandırılıb. Hadisə zamanı sonuncunun həyatını xilas etmək mümkün olmayıb.
İki şahid Qvinnin evi yandırdığını bildirib. Sonradan məlum olub ki, onlar başqa bir adamı görüblər. Lakin həmin şəxs ifadələrini geri götürməmələri üçün onları qorxudub.
Qvinnin müdafiəsi digər şübhəli şəxs haqqında məlumatları ehtiva edən iş materialını almayıb.
Qvinnnin işinə 2020-ci ildə baxılıb və məhkəmə onu yenidən ömürlük həbs cəzasına məhkum edib. Bununla belə, onun müdafiəsi bütün iş materiallarına çıxış əldə edib və bu, onlara məhkumluğu ləğv etmək üçün yeni prosesə başlamağa imkan verib.
