Cənubi Amerika ölkəsi Ekvadorda martın 27-də baş verən sürüşmə nəticəsində həyatını itirənlərin sayının 51-ə yüksəldiyi bildirilib.
NOCOMMENT xəbər verir ki, Ekvador Milli Risk İdarəetmə Katibliyindən verilən açıqlamada Çimborazo əyalətinin Alausi qəsəbəsində baş verən sürüşmə nəticəsində ölənlərin sayının artdığı bildirilib.
Təbii fəlakətdə həyatını itirənlərin sayının 51-ə yüksəldiyi, itkin düşənlərin axtarışlarının davam etdiyi paylaşılıb. Səlahiyyətlilər hələ də yerin altında 37 nəfərin olduğunu və cəsədlərə çatmaq üçün ciddi iş aparıldığını bildirib. Sürüşmə zamanı 163 evin dağıldığı, 57 evin isə tamamilə dağıldığı açıqlanıb. Yerli mətbuatda yayılan xəbərlərdə bölgədəki dağda bir müddətdir çatların əmələ gəldiyi və bunun da sürüşməyə səbəb olduğu iddia edilib. Ekvadorun Nəqliyyat və İctimai İşlər Nazirliyi bağlanan yolları nəqliyyatın hərəkətinə açmaq üçün davamlı olaraq çalışdıqlarını və martın 30-da Çimborazo əyalətində “fövqəladə vəziyyət” elan etdiklərini bildirdi.
