Apple şirkəti iPhone üçün barmaq izi sensoru olan korpus hazırlayıb.
NOCOMMENT.az xəbər verir ki, bu barədə Lenta.ru məlumat yayıb.
İxtira Amerika Birləşmiş Ştatları Patent və Ticarət Nişanları İdarəsinin (USPTO) məlumat bazasında qeydiyyata alınıb . Sənəddə bir sıra düymələr və sensorlar olan ağıllı smartfon korpusunun dizaynı təsvir edilib. Belə aksessuar əvvəllər Apple smartfonlarında istifadə edilən, lakin sonra Face ID ilə əvəzlənən Touch ID sensorunu geri qaytarmağa imkan verəcək.
Apple mühəndislərinin fikrincə, smart keys iPhone ilə təmasda olduqda müəyyən məlumatların telefona ötürülməsinə imkan verəcək. Korpus həmçinin barmaq izi məlumatlarını oxuya və cihaza göndərə bilər. Bu halda iPhone-un kilidini barmağınızı xüsusi sensorun üzərinə qoymaqla açmaq olar.
Yeni texnologiya təmassız ödənişlər üçün də istifadə edilən NFC-yə əsaslanır. Beləliklə, korpus heç bir enerji sərf etmədən istifadəçilərin barmaq izini oxuyacaq. Xüsusi korpus həmçinin müxtəlif istifadəçi jestlərinə cavab verəcək və onları smartfonu idarə etmək üçün əmrlərə çevirəcək. Apple-ın belə bir aksessuarı buraxmaq niyyətində olub-olmadığı, yoxsa ixtiranı sadəcə qeydiyyatdan keçirməsi məlum deyil.
Avqustun ortalarında Apple yeni ağıllı üzük patentləşdirdi. Cihaz istifadəçi fəaliyyəti haqqında məlumat toplayacaq və iPhone və digər qadcetləri idarə etməyə kömək edəcək.
