Tovuzda bıçaqlanma hadisəsi baş verib.
NOCOMMENT.az-ın məlumatına görə, hadisə Tovuz çayının kənarında toy məclisində qeydə alınıb.
1991-ci il təvəllüdlü Kərimov Mahir, 1991-ci il təvəllüdlü Hüseynov Fuad Polad oğlu və 1996-cı il təvəllüdlü Mehdiyev Fərid İlyas oğlu baş və əl nahiyələrindən bıçaq xəsarəti ilə xəstəxanaya yerləşdiriliblər.
Hər üç xəstəyə lazımi tibbi yardım göstərilib, vəziyyətlərinin kafi olduğu bildirilir.
3 nəfərə bıçaqla xəsarət yetirən şəxs tutulub. Hadisəni 2001-ci il təvəllüdlü Elgün İsmayılov törədib.
Faktla bağlı araşdırma aparılır./apa