ABŞ prezidenti Donald Tramp mayın ortalarında Səudiyyə Ərəbistanına səfəri zamanı Suriya lideri Əhməd əl-Şaraa ilə görüşə bilər.
NOCOMMENT.az xəbər verir ki, bu barədə İsrailin i24 telekanalı suriyalı mənbəyə istinadən məlumat yayıb.
“Tramp mayın ortalarında Səudiyyə Ərəbistanına gözlənilən səfəri zamanı Əhməd əl-Şara ilə görüşəcək”, – telekanal qeyd edib.
Görüşün vasitəçi qismində Səudiyyə Ərəbistanı vəliəhdi Məhəmməd bin Salmanın köməyi ilə təşkil ediləcəyi dəqiqləşib.
Qeyd edək ki, aprelin 1-də Tramp Ağ Evdə jurnalistlərə ilk xarici səfərini Səudiyyə Ərəbistanına edəcəyini təsdiqləyib.
