NATO “Asiyaya dönmə” və Hind-Sakit okean regionu məsələsində ABŞ prezidenti Donald Trampı dəstəkləyəcək, çünki Amerikanın hegemonluğunu saxlamaq bütün mühüm geosiyasi məkanlarda mövcudluqdan asılıdır.
NOCOMMENT.az Lenta.ru-ya istinadən xəbər verir ki, bunu Şimali Atlantika Alyansının baş katibi Mark Rutte deyib.
“Hind-Sakit okean regionunda strategiyanın əsas istiqaməti şübhəsiz ki, ABŞ-dan gələcək. Birləşmiş Ştatlar aydındır ki, o, NATO-nun kollektiv güc proyeksiya imkanlarını saxlamasını istəyir”, – Baş katib qeyd edib.
Rutte Çinlə artan gərginliyi əsas gətirərək Trampın “Asiyaya dönmə” siyasətinin düzgün olduğunu da vurğulayıb. O, həmçinin bildirib ki, NATO regional məsələlərdə daha çox iştirak etmək istəyir, müdafiə məsələlərində “bir-birini dəstəkləməyə” çalışır.
Bundan əvvəl Rutte Trampın Şimali Atlantika Alyansının kollektiv müdafiə prinsipinə sadiq qaldığını bildirib. Onun sözlərinə görə, ABŞ-ın NATO-dan çıxması məsələsi gündəmdə deyil. Söhbət yalnız onların diqqətini Asiya regionuna yönəltməkdən gedir, lakin ABŞ-ın Avropadakı hərbi mövcudluğu, o cümlədən nüvə mövcudluğu qalacaq.
