ABŞ-nin 45-ci prezidenti Donald Trampla bağlı məhkəmə proseslərindən biri təxirə salınıb.
NOCOMMENT.az xəbər verir ki, Tramp bu prosesdə məxfi sənədlərlə düzgün davranmamaqda ittiham edilirdi. Prezidentliyə namizədin məhkəmə prosesi mayın 20-də başlamalı idi. Lakin hakim təqdim edilən sənədlərin çoxluğunu əsas gətirərək prosesi qeyri-müəyyən vaxtadək təxirə salıb.
Birləşmiş Ştatlar mətbuatı hesab edir ki, noyabrda keçiriləcək prezident seçkisinədək Trampın hakim qarşısına çıxması real görünmür. Hazırda Nyu-York məhkəməsi onunla bağlı başqa bir işə də baxır. Bu, Trampın prezident seçilməzdən əvvəlki maliyyə məsələləri ilə bağlıdır.
