ABŞ prezidenti Donald Tramp öz müşavirlərinə deyib ki, Ukraynada münaqişəyə son qoymaq üçün istənilən cəhd uğursuz olsa belə, dəyərlidir.
NOCOMMENT.az bildirir ki, onun Rusiya lideri Vladimir Putinlə danışıqlara dair fikirlərini CNN sitat gətirir.
“Tramp özəl olaraq öz müşavirlərinə bildirib ki, müharibəni bitirmək üçün istənilən cəhd, hətta son nəticədə uğursuzluğa düçar olsa belə, buna dəyər”, – nəşr yazır.
Nəşrin yazdığına görə, ABŞ prezidenti öz komandasını Putinlə görüşü “qeyri-adi sürətlə” təşkil etməyə çağırıb, halbuki normal şəraitdə belə yüksək səviyyəli sammitləri planlaşdırmaq həftələr və ya aylar çəkir.
Daha əvvəl Tramp bildirib ki, Putinlə Alyaskada görüş avqustun 15-də planlaşdırılıb. Daha sonra bu məlumatı Rusiya prezidentinin köməkçisi Yuri Uşakov da təsdiqləyib.
