NOCOMMENT.az Rusiya mətbuatına istinadən xəbər verir ki, Ukrayna Ali Radasının keçmiş deputatı Oleq Tsarevin müşahidəsini təşkil edən və onun həyatına sui-qəsd cəhdi ilə əlaqələndirilən 46 yaşlı Yalta sakinini Simferopolun Kiyev Rayon Məhkəməsi iki ay müddətinə həbs edib. Bu barədə RİA Novosti məlumat verib.
“Tsarevin müşahidəsini təşkil edərək saxlanılan Yalta sakini Simferopol şəhərinin Kiyev Rayon Məhkəməsi tərəfindən 2 ay müddətinə həbs edilib”, – mənbə bildirib.
FSB-nin məlumatına görə, 2023-cü ilin yanvarında Yaltalı şəxs Tsarevə sui-qəsd etmək üçün Ukrayna Təhlükəsizlik Xidməti (SBU) tərəfindən işə götürülüb. Şübhəlinin vəzifələrinə sui-qəsd cəhdini hazırlamaq üçün məlumat toplamaq, həmçinin silah anbarları üçün yer seçmək daxildir.
Saxlanılan şəxsin mənzilində əldəqayırma partlayıcı qurğu, onun hazırlanması üçün komponentlər, ukraynalı kuratorlarla əlaqə vasitələri, Tsarevin fotosu, həmçinin keçmiş Rada deputatlarının yaşayış yerlərinə və onun işinə gedən müxtəlif marşrutların diaqramları aşkar edilib.
