Tunisdə mərkəzlə əlaqəsi kəsilən 4 nəfərlik heyətlə hərbi helikopterin dənizə düşdüyü bildirilib.
NOCOMMENT.az xəbər verir ki, ekipajdan 2-nin meyitinin tapıldığı bildirilib.
Tunis Müdafiə Nazirliyindən verilən yazılı açıqlamada qeyd olunub:
“Tunisin şimalındakı Binzert vilayətinin Kab Sirat bölgəsində gecə uçuşu zamanı mərkəzlə əlaqəsi kəsilən helikopterin Binzert yaxınlığında dənizə düşdüyü müəyyən edilib”.
Açıqlamada axtarış-xilasetmə işləri çərçivəsində itən ekipajdan 2 nəfərin cəsədinin tapıldığı, axtarış-xilasetmə işlərinin Daxili İşlər Nazirliyi ilə koordinasiyalı şəkildə davam etdiyi qeyd edilib.
NOCOMMENT.AZ
