İyul ayınının 1-indən sentyabrın 1-nə qədər Naxçıvan-Türkiyə keçidini təmin edən “Dilucu” sərhəd məntəqəsi vətəndaşların üzünə bağlanmışdı.
NOCOMMENT yenisabah-a istinadən xəbər verir ki, sərhədlər bəzi şəxslər üçün açılıb. Belə ki, bu şəxslər sərhədlərin bağlı olduğu müddətdə qarşılıqlı olaraq keçid edə bilərlər:
– Azərbaycanda və Türkiyədə təhsil alan tələbələr;
– Sənədlərini təqdim etməklə iş adamları;
– Qarşılıqlı olaraq hər iki ölkə vətəndaşlarının cənazə mərasiminə;
– Naxçıvana öz şəxsi maşını ilə keçmək istəyən Azərbaycan vətəndaşlarına;
– Naxçıvandan gəlmək istəyən türk vətəndaşları və üçüncü ölkə vətəndaşları;
– Sənədlərini təqdim etmək şərti ilə Azərbaycanda və Türkiyədə müalicə alan hər iki ölkə vətəndaşları;
– Naxçıvan üzərindən hava yolu ilə keçmək istəyən hər iki ölkə vətəndaşlarına.
