Türkiyədə 23 Aprel Milli Suverenlik və Uşaq Bayramı və Türkiyə Böyük Millət Məclisinin 103-cü ildönümü münasibətilə Məclis Baş Assambleyası xüsusi gündəmlə toplanacaq.
NOCOMMENT.az xəbər verir ki, proqramı çərçivəsində aprelin 23-ü bazar günü saat 09.00-da TBMM-dəki Atatürk abidəsində mərasim təşkil olunacaq.
TBMM sədri Mustafa Şentopun mərasimdə abidə önünə əklil qoyub, bir dəqiqəlik sükutla yad etdikdən sonra İstiqlal Marşı oxunacağı bildirilib.
Bayram tədbirləri çərçivəsində Milli Təhsil Nazirliyi, Ankara Universiteti Uşaq Elm Mərkəzi və TÜBİTAK ilə əməkdaşlıq çərçivəsində TBMM-də “Məclis bağçası uşaq bağçası və elm şənliyi” tədbiri keçiriləcək.
NOCOMMENT.AZ
