Türkiyə Rusiyadan ödəniş köçürmələri ilə bağlı problemlərə görə rusiyalı turistlərdən əldə etdiyi gəliri itirə bilər.
NOCOMMENT.az xəbər verir ki, bu barədə Türkiyənin Aydınlık qəzetinin yazarı İsmət Özçelik qeyd edib.
Türkiyə ilə Rusiya arasında xarici ticarətin həcmi yüksəkdir. O qeyd edib ki, 2023-cü ildə bu, 60 milyard dolları keçib.
Özçelik dekabr və yanvar ayı göstəricilərini həyəcan verici adlandırır. Onun sözlərinə görə, 2023-cü ilin yanvar ayı ilə müqayisədə azalma 30%-dən çox olub.
Səbəb ABŞ-ın sanksiyaları və təzyiqidir. Köşə yazarı yazır ki, türk şirkətləri onların cərimə oluna biləcəyindən narahatdırlar.
“Digər mühüm sahə turizmdir. 2024 mövsümü yaxınlaşır. Amma pul köçürmələri mümkün deyil. Hətta yarmarkalarda da problemlər var. Hökumət mümkün qədər tez bir həll yolu tapmalıdır. Əks halda itkilər böyük olacaq”, – deyə Özçelik bildirib.
Bundan əvvəl Türkiyə Rusiya ilə bank köçürmələrində ciddi problem olduğunu bildirib.
