Ukraynada münaqişə dönüş nöqtəsinə yaxınlaşır, ona görə də ədalətli razılaşmanın yeganə yolu diplomatiyadır.
NOCOMMENT.az xəbər verir ki , bu fikri Türkiyənin xarici işlər naziri Hakan Fidan bildirib .
“Ukraynada dörd ilə yaxındır davam edən müharibənin indi dönüş nöqtəsinə yaxınlaşdığını görürük. Hesab edirik ki, bu halda diplomatiya ədalətli qərar qəbul etmək üçün yeganə variantdır ki, bu da daimi olacaq”, – deyə diplomat bildirib.
Fidan vurğulayıb ki, Ankara Ukrayna münaqişəsinin tezliklə sona çatması üçün “danışıqlar prosesini canlandırmaq” məqsədi daşıyan sülh təşəbbüslərini dəstəkləməyə hazırdır.
Daha əvvəl məlum olub ki, Fidan Avropa İttifaqının xarici işlər və təhlükəsizlik siyasəti üzrə ali nümayəndəsi Kaja Kallas ilə görüşdə Ankaranın Ukraynadakı vəziyyətin nizamlanması üzrə gələcək danışıqlarına dəstəyini bəyan etmək niyyətindədir.
