ABŞ və Türkiyə razılaşıblar ki, bundan sonra Amerika tərəfi anti-Rusiya sanksiyalarından yayınmaqda şübhəli bilinən türk müəssisələrinə sanksiya tətbiq etməzdən əvvəl əvvəlcə Ankaranı xəbərdar edəcək və məlumat tələb edəcək.
NOCOMMENT.az xəbər verir ki, bu barədə “Hürriyet” qəzeti mənbələrə istinadən məlumat yayıb.
Qeyd olunur ki, bundan əvvəl ABŞ Rusiya Federasiyası ilə əməkdaşlıq edən və ya kommersiya fəaliyyəti ilə məşğul olduğu iddia edilən türk şirkətlərinə dərhal sanksiya tətbiq edib. Üstəlik, Türkiyə tərəfinə hər hansı araşdırma aparılması tələb olunmayıb.
Sonradan Vaşinqton və Ankara yeni sistem – “sanksiyaların uyğunlaşdırılması sxemi” haqqında razılığa gəliblər ki, ona görə amerikalılar ilk növbədə respublikanı mümkün şirkətlər barədə xəbərdar edəcək və bu məsələ ilə bağlı məlumat tələb edəcəklər.
Qəzetin yazdığına görə, Türkiyə rəsmiləri araşdırma aparıb nəticələrini bildirsə, lazımi tədbirlər görüləcək.
