Türkiyənin Sakarya vilayətində pirotexnika istehsalı zavodunda partlayış baş verib.
NOCOMMENT.az xəbər verir ki, hadisə nəticəsində 4 işçi həyatını itirib, 97 nəfər yaralanıb, 16-ı evə buraxılıb, 1 nəfərin isə vəziyyəti ağırdır.
Qeyd olunur ki, partlayış zamanı zavodda olan 40-45 nəfərin isə axtarışları davam etdirilir.
Hadisə yerinə xilasedicilər və yanğınsöndürənlər cəlb edilib. Partlayışın səbəbləri ilə bağlı araşdırma aparılır.
Qeyd edək ki, 2009-cu ildə eyni zavodda partlayış baş verərək 1 nəfər ölüb, 37 nəfər isə yaralanıb.