İrəvanda səfərdə olan Türkiyə Böyük Millət Məclisinin erməni deputatı Karo Paylan Ermənistan parlamentinin sədri Alen Simonyanın qəbulunda olub.
NOCOMMENT Sputnik Armenia-ya istinadən xəbər verir ki, görüşdə A.Simonyan deyib ki, Ermənistan Karo Paylanın ermənipərəst və mühüm fəaliyyətini böyük diqqətlə izləyir.
“Türkiyədə yaşayan milli azlıqların hüquqlarının müdafiəsini diqqət mərkəzində saxlamağınız son dərəcə vacibdir”, – deyə Alen Simonyan bildirib.
Görüşdə Ermənistan-Türkiyə sərhədlərinin açılması ilə bağlı söhbət aparılıb.
Karo Paylanın sözlərinə görə, sərhədlərin açılmasına dair müzakirələrlə bağlı Türkiyədə yaşayan insanların geniş təbəqəsində məlumat çatışmazlığı var. O, həmçinin Ermənistan-Türkiyə münasibətlərinin normallaşdırılma prosesi ilə bağlı təəssüratlarını və müşahidələrini təqdim edib.
Türkiyə Xalqların Demokratik Partiyasının üzvü Karo Paylan bundan əvvəl Ermənistan Baş naziri Nikol Paşinyanla görüşmüşdü.
