“Türkmənistan” aviaşirkəti yanvarın 3 və 4-də Moskvadan Banqkoka uçması planlaşdırılan reyslərində sərnişinlərə alternativ marşrutla təyinat yerinə çatma imkanı yaradıb.
NOCOMMENT.az xəbər verir ki, bu barədə şirkətin rəsmi Telegram kanalında məlumat verilib.
Dekabrın 28-də daşıyıcı heç bir izahat vermədən dekabrın 30-dan etibarən bir ay müddətinə müntəzəm Aşqabad-Moskva reyslərini ləğv etdiyini açıqlayıb.
Sərnişinlərin Moskva-İstanbul-Aşqabad marşrutu ilə uçacaqları, daha sonra “Türkmənistan” şirkətinin müntəzəm reysi ilə Aşqabaddan Banqkoka gedəcəkləri planlaşdırılır. “Aşqabadda yerləşmə zamanı siz komfortlu hava limanı mehmanxanasında yerləşdiriləcəksiniz”, – məlumatda deyilir.
