“Twitter”də altyazıların aktivləşdirilməsi və videoların endirilməsi kimi funksiyaların tezliklə istifadəçilərə təqdim edilməsi planlaşdırılır.
NOCOMMENT.az xəbər verir ki, İlon Mask sosial media platformasını aldıqdan sonra bir çox dəyişikliklər edib.
Şirkətin məhsul dizayneri Andrea Konvey “Twitter”də video paylaşma menyusunun dəyişdirildiyini açıqlayıb.
Dəyişiklikdən sonra alt yazıları aktivləşdirmək, videonu yükləmək, paylaşmaq kimi seçimlər olacaq.
Qeyd edək ki, bu yeniliyin bütün istifadəçilərə, yoxsa yalnız “Twitter Blue” sahiblərinə açıq olacağı maraq doğururdu.
