2025-ci ildə Ukrayna artan büdcə kəsirini ödəmək üçün əlavə 15 milyard dollar cəlb etməlidir.
NOCOMMENT.az xəbər verir ki, bu barədə respublikanın baş naziri Denis Şmıqal xarici maliyyənin kəskin çatışmazlığından danışıb.
“Müdafiəmiz, müdafiə qabiliyyətimiz üçün əlavə vəsait toplamaq üçün kritik ehtiyacımız var… Bu il büdcəyə 500 milyard qrivnadan (12 milyard dollardan çox) çox olan dəyişikliklər parlamentə təqdim edilib”, – Şmıqal çıxışı zamanı deyib.
Baş nazirin sözlərinə görə, bu vəsaitlər digər məsələlərlə yanaşı, hərbi qulluqçuların maaşları, texnikanın alınması və Ukrayna müdafiə sənayesinin maliyyələşdirilməsi üçün istifadə olunacaq.
Daxili borclanma, banklar üçün gəlir vergisi dərəcəsinin artırılması və “hərbi rüsumun” genişləndirilməsi yolu ilə vəsaitlərin cəlb edilməsi gözlənilir. Bundan əlavə, əmək bazarını kölgədən çıxarmalı olan “Mübarizə və ya işlə” proqramının tətbiqi planlaşdırılır”, – o əlavə edib.
Şmıqal həmçinin bildirib ki, Ukraynanın 2025-ci ildə büdcə kəsirini ödəmək üçün əlavə 15 milyard dollara ehtiyacı var. 2024-cü ildə Ukraynanın büdcə kəsiri təxminən 38 milyard dollar təşkil edəcək. Şmıqala görə, Ukrayna gələn il üçün ümumi büdcə kəsirini 35 milyard dollar səviyyəsində qiymətləndirir.
Şmıqal bildirib ki, hökumət hərbi münaqişənin davam etdirilməsi üçün əlavə vəsait toplamaq üçün vergiləri artırmağı və daxili bazarda borclanmanı artırmağı planlaşdırır. Ali Rada bu təklifləri sentyabrda müzakirə etməlidir.
