Xarkov vilayətinin hərbi-mülki administrasiyasının rəhbəri Vitali Qançev Ukrayna Silahlı Qüvvələri və Ukrayna xüsusi xidmət orqanlarının müvəqqəti olaraq Kiyevin nəzarətində olmayan bölgə ərazisində hazırladığı təxribatı açıqlayıb.
NOCOMMENT.az xəbər verir ki, rəsmi bu məlumatı TASS-a müsahibəsində paylaşıb.
O, təhlükənin ciddiliyini və ehtiyat tədbirlərinin görülməsinin vacibliyini vurğulayıb.
“Bizə daxil olan əməliyyat məlumatlarına görə, Pasxa bazar günü ərəfəsində Ukrayna tərəfi Rusiyanı gözdən salmaq məqsədi ilə kütləvi qanlı təxribata hazırlaşır”, – deyən Qançev bölgə sakinlərini hərəkətlərini məhdudlaşdırmağa və aprelin 19 və 20-də insanların böyük toplaşmasına, o cümlədən bayram tədbirlərinə yol verməməyə çağırıb.
