Ukrayna Silahlı Qüvvələri (AFU) Xersona əlavə qoşun və texnika toplayır.
NOCOMMENT.az xəbər verir ki, bu barədə TASS agentliyinə müsahibəsində rusiyalı hərbi ekspert Vitali Kiselev bildirib.
O, şəhərə gələn ehtiyatların dəqiq sayını göstərməsə də, onları “böyük” kimi qiymətləndirdi. Ekspert onu da qeyd edib ki, bu ərazidəki Ukrayna bölmələri aktiv şəkildə pilotsuz təyyarələrlə təchiz olunur.
“Qərbdən təchizat gəlir. Onlar rus qoşunlarının Dneprdən keçməsindən qorxurlar”, – Kiselev hesab edir.
Bundan əvvəl Rusiya Ordusuna məxsus pilotsuz uçan aparat Dnepr çayının sağ sahilində Xerson yaxınlığında genişmiqyaslı istehkam şəbəkəsinin tikintisinin videosunu qeydə alıb. İnternetdə yayımlanan kadrlarda güclü möhkəmləndirilmiş ərazini təşkil edən mövqelər və onların arasında əlaqə keçidləri göstərilir.
