Ukrayna və Rusiya arasında münaqişənin həlli üzrə danışıqların ikinci raundunun formatı mayın 16-da İstanbulda keçiriləcək görüşə bənzəyəcək.
NOCOMMENT.az xəbər verir ki, bunu “Liberation” nəşrinə müsahibəsində Ukraynanın xarici işlər naziri Andrey Sibiqa deyib.
“Ümid edirik ki, işlər irəliyə gedəcək və bu görüşlər ən qısa zamanda baş tutacaq”, – Ukrayna XİN rəhbəri vurğulayıb.
Sibiqa vurğulayıb ki, atəşkəs məsələsi Moskva və Kiyev arasında danışıqların ikinci raundunun əsas mövzusu olacaq. Onun sözlərinə görə, Ukrayna hakimiyyəti bu məsələdə Rusiyanın mövqeyini gözləyir. Diplomat əlavə edib ki, görüş Türkiyəyə danışıqlar üçün gələn nümayəndə heyətləri səviyyəsində baş tutacaq.
