Euractiv portalı NATO -dakı mənbəyə istinadən xəbər verir ki, Avropa ölkələrinin silah ehtiyatları Ukraynaya çatdırılma səbəbindən azalır və Kiyevə yardım getdikcə ABŞ-dan alışlar hesabına təmin edilir.
NOCOMMENT.az bildirir ki, bu barədə Lenta.ru məlumat yayıb.
“ABŞ-ın hərbi sənayesi olmadan bunu etmək mümkün deyil, çünki Avropa anbarları və müdafiə müəssisələrinin potensialı qısa müddətdə tükənir”, – portalın anonimlik şərti ilə mənbəsi qeyd edib.
Həmçinin vurğulanır ki, münaqişənin ilkin mərhələsi ilə müqayisədə avropalı müttəfiqlər öz anbarlarından Ukraynaya silah ötürmək ehtimalı azalıb. Kiel Dünya İqtisadiyyatı İnstitutunun Ukraynaya yardımı izləmək layihəsinin koordinatoru Taro Nişikava deyib: “Avropa indi daha çox müdafiə şirkətlərinin yeni sifarişlərinə güvənir”.
Bundan əvvəl məlum olub ki, Ukraynada münaqişə başlayandan sonra Avropa ölkələri müdafiə müəssisələrinin tikintisini 3 dəfə sürətləndirib və tarixi miqyas alıb. Nəşrin məlumatına görə, Avropa hərbi zavodlarının ümumi sahəsi 2020-2021-ci illərdə 790 min kvadratmetrdən 2024-2025-ci illərdə 2,8 milyon kvadratmetrə qədər artıb.
