Onkologiya Mütəxəssisi Prof. Dr. Uşaqlıq boynu xərçənginin insan orqanizmindəki 200 fərqli xərçəngdən biri olduğunu bildirən Tufan Bilgin, “Gələcəkdə uşaqlıq boynu xərçəngini sağaltmaq mümkün olacaq” dedi. Ginekoloji Onkologiya Mütəxəssisi Prof. Dr. Tufan Bilgin, uşaqlıq boynu xərçəngi dünyada ən çox görülən xərçənglər arasında 4-cü yeri tutarkən, 45 yaşdan aşağı qadınlarda 2-ci sıraya yüksəlir.
NOCOMMENT xəbər verir ki, dünyada hər il 604 min qadına uşaqlıq boynu xərçəngi diaqnozu qoyulur və bu xəstələrin təxminən yarısı ölür. Bununla belə, dünyada ən çox görülən xərçəng növlərindən biri olan uşaqlıq boynu xərçənginin əslində müntəzəm müayinə ilə qarşısını almaq olar.
O, keçən il 350 mindən çox qadının cinsi əlaqə yolu ilə keçən HPV virusu kimi amillərin səbəb ola biləcəyi uşaqlıq boynu xərçəngindən dünyasını dəyişdiyini bildirib. Bilgin, “Uşaqlıq boynu xərçəngi insan orqanizmindəki 200 fərqli xərçəngdən biridir. Bu xərçənglər arasında yalnız uşaqlıq boynu xərçəngini, xərçəngə çevrilməmişdən əvvəlki mərhələlərini təsbit edə və xəstələrə uyğun müdaxilələrlə xərçəngin qarşısını ala bilərik.
Təxminən 70 ildir ki, insan orqanizmindən tökülən hüceyrələrin mikroskop altında araşdırılmasına əsaslanan yaxma testi sayəsində bir çox xəstəni xərçəngdən əvvəlki mərhələdə aşkar edirik. Son 20 ildə HPV adlı bir virusun uşaqlıq boynu xərçənginin inkişafındakı rolu ilə bağlı məlumatımız artdığı üçün yaxma testləri ilə birlikdə HPV testlərini həyata keçirməyə başladıq. HPV testləri sayəsində yaxma testində aşkar edə bilmədiyimiz bəzi xəstələrdə uşaqlıq boynu xərçənginin xəbərçisi olduğunu müəyyən edə bildik.
