Hələlik vaksinasiya könüllü şəkildə aparılır. Lakin epidemoloji vəziyyət təhlükəli bir həddə çatsa, əlbəttə ki, vaksinasiya icbari xarakter də ala bilər.
NOCOMMENT.az xəbər verir ki, bunu açıqlamasında professor Adil Qeybulla deyib.
O bildirib ki, hələlik məcburi vaksinasiya məhdud şəxslər arasında aparılır:
“Lakin vəziyyət o həddə çatsa, uşaqlar, gənclər və digər yaş qrupları arasında da vaksinasiya məcburi qaydada aparıla bilər. Yəni bu, tamamilə situasiyadan asılıdır. O ki qaldı vaksinasiya olunmuş şəxslərə imtiyazların verilməsinə, deyə bilərəm ki, hələlik belə bir şey nəzərdə tutulmur. Lakin ümumillikdə belə bir imtiyaz tədbiq olunsa, əlbəttə ki, vaksinasiya olunan şəxslər nəzərə alınacaq. Çünki vaksin vurduran şəxslərdə təxminən 42 gün sonra immunitet formalaşır. Belə şəxslərin SMS-icazə sistemi şəraitində sərbəst hərəkətinə göz yummaq olar. Lakin bir məqamı da qeyd etməliyəm ki, belə bir sistemi tədbiq edilsə, gərək neqativ hallarda nəzərə alınsın ki, özbaşınalıq olmasın. Yəni qanunsuz şəkildə arayış alıb küçəyə çıxmaq hallarının qarşısının alınması üçün öncədən tədbirlər görülməlidir”.
Axar.az
