Ağsu rayon Pirhəsənli kənd tam orta məktəbində bir qrup valideyn direktor Aqil Həsənovun vəzifəsində çalışmasına etiraz edib.
NOCOMMENT xəbər verir ki, onlar iddia ediblər ki, əvvəllər Ağsu Rayon Təhsil Şöbəsinin müdiri vəzifəsində çalışan A.Həsənov işinin öhdəsindən gələ bilmədiyi üçün qurumdan çıxarılıb və məktəbə direktor təyin edilib.
Valideynlər övladlarını məktəbə buraxmayacaqlarını qeyd ediblər.
Ağsu Rayon Təhsil Şöbəsindən (RTŞ) oxu.az-ın sorğusuna cavab oalraq bildirilib ki, rayonun Pirhəsənli kənd tam orta məktəbinə təhsil naziri Emin Əmrullayevin əmri ilə direktor vəzifəsinə təyin edilmiş Ağsu RTŞ-nin sabiq müdiri Aqil Həsənovun təqdimatına bir qrup valideyn əsassız olaraq etiraz edib və övladlarını məktəbə buraxmaq istəməyiblər:
“Onların fikri belədir ki, direktor olacaq namizəd məktəb kollektivindən təyin olunmalıdır. Onlarla müvafiq qaydalara uyğun olaraq söhbətlər aparılıb, övladlarının təhsildən yayındıqlarına görə məsuliyyət daşıdıqları xatırladılıb”.
“Kənd icra nümayəndəsi və məktəb kollektivi növbəti həftənin birinci günündən şagirdlərin məktəbə davamiyyətini təmin edəcəklərinə söz veriblər”, – deyə qeyd edilib.
View this post on Instagram
