Ukraynda işğalçılar Qorlovka həkimlərinə ölmüş “Vaqneritlər”in sənədlərini götürməyi, cəsədlərin məhkəmə-tibbi ekspertizasını keçirməməyi və ölü muzdluları daşınmaq üçün plastik kisələrə çantalara yığmağı tapşırıblar.
NOCOMMENT xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Baş Qərargah həmçinin bildirib ki, Krım Muxtar Respublikasının müvəqqəti işğal olunmuş ərazisində dəmir-beton konstruksiyaları istehsal edilir. Hazır məhsullar Armyansk şəhərinə aparılır.
Hələ avqust ayında məlum olub ki, “Vaqner”in yaradıcısı Yevgeni Priqojin şəxsən məhbusları işə cəlb edir.
O, Rusiyanın Ukraynadakı uğursuzluqları və daimi itkiləri fonunda hərbçi çatışmazlığını kompensasiya etməyə çalışır.
Noyabr ayında UNIAN artıq Ukraynadakı müharibə fonunda minlərlə məhbusun Rusiyadakı həbsxanalardan yoxa çıxdığını bildirib.
Bu ilin payızının ilk iki ayında Rusiya koloniyalarında dustaqların sayı 23 min nəfər azalıb. Bu, məhbusların Vaqnerin tərkibində Ukraynaya göndərildiyi deyilir.
Ukrayna Baş Qərargahının məlumatına görə, “Vaqner” özəl hərbi şirkətinin ayrı-ayrı bölmələri Çeçenistan ərazisindən Donetsk vilayətinə köçürülüb.
