Hamımız işimizin intensivliyindən və vaxtın məhdudluğundan daim şikayətlənirik. Bitirməli olduğumuz işlər, çatdırmalı olduğumuz layihələr, eləcə də hər gün etməli olduğumuz bəzi rutin işlər var. Vaxtın idarə edilməsi bizə sərf olunan anları xilas etmək və bu gərgin templə ayaqlaşmamızı təmin etmək məqsədi daşıyır. Bu, vaxtdan müntəzəm və sistemli istifadə edə bilmək, vacib işlərə daha çox vaxt ayırmaq üçün rutin işləri daha az vaxtda tamamlamaq və üstəlik, işdən kənarda da həyatımızı eyni ardıcıllıqla yaşamaq deməkdir.
NOCOMMENT.az xəbər verir ki, valyuta.az 20 ildir ki, vaxtın idarə edilməsi və Şəxsi Məhsuldarlıq üzərində işləyən Dr. Donald Wetmore-un vaxt idarəçiliyinə başlamaq üçün ən yaxşı səkkiz qaydasını təqdim edir:
Sənədlərinizi səliqəyə salın
Baxmayaraq ki, çoxumuz artıq kağız zibilliyində boğulmuruq, əlbəttə ki, kompüterlərimizin “Sənədlərim” bölməsində və ya “masa” üzərində səpələnmiş çoxlu lazımsız sənədlər olur. Tez-tez istifadə etdiyiniz mətnləri və ya məlumatları asanlıqla əldə edilə bilən yerdə və mütəşəkkil şəkildə saxlamalısınız.
Bir təqviminiz olsun
İnsanların güzgülərində, soyuducularının üzərində müxtəlif qeyd kağızları olur. Bunlarla məşğul olmaq çətindir, həm də çox vaxt aparır. Ona görə də biri iş həyatınız, biri də şəxsi həyatınız üçün ən çox iki təqviminiz olmalıdır.
Masanızı və iş mühitinizi səliqəyə salın
Mütəşəkkil olmayan insanlar vaxtlarının çoxunu axtardıqlarını tapmaq və ya diqqətini yayındıran obyektlərlə məşğul olmaq üçün sərf edirlər. Yüksək vəzifəli şəxslərin ofisinə daxil olsanız, onların ləkəsiz bir masa arxasında işlədiklərini görərsiniz və bunu uğurlarının səbəblərindən biri hesab edə bilərsiniz.
Həmişə kifayət qədər alət və avadanlıqlara sahib olun
Müntəzəm olaraq istifadə etdiyiniz qələm, kağız, kağız klipləri, zərflər və ya ofis ləvazimatlarını axtarmağa vaxt itirməyin.
Fiziki mühitinizi işlək hala gətirin
Masanızda faks aparatını, fayllarınızı və təchizatlarınızı təşkil edin. Müntəzəm olaraq istifadə etdiyiniz əşyaları əlinizin altında, istifadə etmədiyiniz əşyaları isə gözdən uzaq bir yerə qoyun.
Funksional çanta hazırlayın
Xüsusilə çox səyahət edirsinizsə və ya həmişə ofisdən kənardasınızsa, çantanızı diqqətlə hazırlamalısınız. Gedəcəyiniz yerdə istifadə edəcəyiniz əşyalarla yanaşı, ehtiyac duya biləcəyiniz əşyaları daşımaq da faydalıdır. Kalkulyator, cib xəritəsi, qələm, zərf, bloknotlar, möhürlər və s. Sizə lazım ola biləcək hər şey. Və tıxacda ilişib qaldığınız halda öyrənmək və ya oxumaq üçün bir şeyin olması yaxşıdır.
Proqramlarınızı pozmayın
İşinizlə əlaqədar olaraq özünüzü, avtomobilinizi və evinizi daima yoxlamağı laqeyd yanaşmayın. Həmin işlərin indi görülməsi vacib olmasa da, sonra onlar yığılaraq çətin həll olunan problemə çevrilə bilir.
Əlaqə adlarınızı qeyd edin
Gələcəkdə sizin üçün faydalı olacağını düşünərək ünsiyyət şəbəkənizə diqqət yetirin. Əldə edə biləcəyiniz şəxslərin nömrələrini qeyd edin.
