Nevroloq Dr. Tansel Ünal xəbərdarlıq edib ki, ‘Virtual Zəlzələ Sindromu’ olan insanlar beyinlərində quraraq zəlzələ olduğunu hiss edə, titrəmə, başgicəllənmə və tarazlıq pozğunluğu yaşaya bilərlər.
NOCOMMENT xəbər verir ki, zəlzələlərin insanların psixologiyasına olduğu kimi sinir sisteminə də əhəmiyyətli nevroloji təsirlər göstərdiyini bildirən Dr. Ünal, epilepsiya, çox skleroz, Parkinson və Alzheimer xəstələrinin zəlzələdən sonra nöbet sıxlığının arta biləcəyini söylədi.
Fevralın 6-da Türkiyədə baş verən zəlzələlər 11 şəhəri əhatə edən böyük bir bölgəni viran qoyub. Şiddətli yeraltı təkanlar Kipr də daxil olmaqla geniş ərazidə hiss olunub. Son rəsmi açıqlamalara görə, həyatını itirənlərin sayı 48 minə çatarkən, yüz minlərlə insan evsiz qalıb. Zəlzələlərdən sonra çox sayda insanın titrəmə hissi, başgicəllənmə və tarazlıq pozğunluğu şikayətləri ilə təcili xidmətə müraciət etdiyini bildirən Yaxın Şərq Universiteti Yeniboğaziçi Xəstəxanası Nevrologiya Mütəxəssisi Dr. Tansel Ünal bu şikayətlərin beyindəki zəlzələ travmasının həssaslığından yaranan nevroloji nəticələrə bağlı ola biləcəyini söylədi.
Bu vəziyyətin ədəbiyyatda Virtual Zəlzələ (Phantom Zəlzələ) Sindromu adlandırıldığını bildirən Dr. Tansel Ünal, “Bu insanlar o vaxt zəlzələ aktivliyi olmasa da, yerin titrədiyini hiss etdiklərini deyirlər. Bu, zəlzələ sarsıntısını hiss etmiş insanlarda ən çox rast gəlinən nevroloji mənzərədir və əsl yer silkələnməsinin yaratdığı psixoloji qorxu və gərginlikdən tamamilə fərqlidir. Virtual zəlzələlər yaşayan bu xəstələr indi digər problemlərlə yanaşı bu vəziyyətlə də mübarizə aparmalı olurlar. Onlar tək qalmaqdan çox narahatdırlar, tavan işıqlarını və mebelləri daim yoxlayırlar. ” dedi.
