Serbiya prezidenti Aleksandar Vuçiç bildirib ki, Donald Tramp ABŞ prezidenti seçilərsə, Moskva və Kiyevə katoliklikdən pravoslav Milad bayramına qədər olan müddət üçün atəşkəs təklif edə bilər.
NOCOMMENT.az xəbər verir ki, bunu Serbiya prezidenti Aleksandar Vuçiç Happy TV kanalında bildirib.
Onun sözlərinə görə, amerikalı siyasətçi rusları tədricən barışığa cəlb etməyə çalışacaq.
“…Düşünürəm ki, məndə heç bir sübut yoxdur, amma onun təklifinin bir növ Milad barışığı olacağını hiss edirəm … dekabrın 23-dən yanvarın 8-dək, təxminən 15 gün və bu, böyük uğur olardı. Məsələ rusların buna razı olub-olmamasıdır”, – RİA Novosti Vuçiçin sözlərindən sitat gətirir.
Eyni zamanda o, Rusiya ordusunun hazırda cəbhənin bütün sahələrində “taktiki və strateji” təşəbbüs nümayiş etdirdiyini vurğulayıb.
Bundan əvvəl Vuçiç ABŞ-ın növbəti prezidentini Ukraynada tezliklə atəşkəsə nail olmağa çağırıb.
