Beynəlxalq aviaşirkətlər İndoneziyanın Bali adasına və oradan onlarla reysləri ləğv etməli olublar.
NOCOMMENT.az xəbər verir ki, buna səbəb vulkan püskürməsi olub.
Vulkandakı fəaliyyət püskürmələr başlayandan bəri Balinin I Gusti Ngurah Rai beynəlxalq hava limanında uçuşları dayandırıb.
Avstraliyanın “Jetstar” aviaşirkəti çərşənbə günü bildirib ki, “İndoneziyadakı Levotobi dağının yaratdığı vulkanik külə görə hazırda Baliyə və oradan uçuşlar təhlükəsiz deyil”.
“Vulkanik kül, vulkanik buludların yaxınlığında təyyarə üçün əhəmiyyətli təhlükə yaradır” – səbəb gətirərək “AirAsia” adaya uçuşlara qismən dayandırıb.
Səlahiyyətlilər təhlükə zonasını 9 kilometrə (5,5 mil) qədər genişləndiyini diqqətə çatdırıb.
Çünki vulkanik material, o cümlədən lava və isti çınqıl və kül parçaları kraterdən 8 kilometr (5 mil) məsafəyə püskürüb.
