Azərbaycanın xalq artisti, kino rejissor Ramiz Əzizbəyli koronavirusa (COVİD-19) yoluxub.
NOCOMMENT report-a istinadən xəbər verir ki, 72 yaşlı Xalq artisti Zığ qəsəbəsində yerləşən koronaviruslu xəstələrin müalicə aldığı modul tipli hospitala yerləşdirilib.
Xalq artistinin xanımı Zümrüd Əzizbəyli bildirib ki, R.Əzizbəyli artıq 5-6 gündür xəstəxanada müalicə alır: “Güclü soyuqdəyməsi vardı, zəifləmişdi. Böyük qızım da COVİD-19-dur, o da atası ilə birgə xəstəxanada yatır. Ramiz elə xəstədir ki, onu tək buraxmaq olmaz. Həkimlər vəziyyətinin artıq yaxşı olduğunu deyirlər. Reanimasiyada deyil, palatada müalicə alır”.
