NOCOMMENT.az xəbər verir ki, Təhlükəsizlik və Korrupsiyaya Qarşı Mübarizə üzrə Federal Layihənin rəhbəri Vitali Borodin xaricdə yaşayan və Rusiya hakimiyyətini tənqid edən xarici agent statusuna malik Rusiya vətəndaşlarının Rusiyaya səfərini qadağan etməyi təklif edib. Bu barədə Baza Telegram kanalı yazıb.
Qeyd olunur ki, Borodin artıq Dövlət Dumasının sədri Vyaçeslav Volodinə məktub göndərib və məktubda o, xarici agentlər haqqında federal qanuna dəyişiklik edilməsinin mümkünlüyünə baxmağı xahiş edib. Borodinin sözlərinə görə, “daxili təhlükəsizliyi təmin etmək üçün” bəzi Rusiya xarici agentlərinin ölkəyə girişi qanunvericilik səviyyəsində qadağan edilməlidir.
