Xəyanətkarı uzaqlaşdırdıq, amma Müdafiə Nazirliyində yeyinti davam edirbackend

Xəyanətkarı uzaqlaşdırdıq, amma Müdafiə Nazirliyində yeyinti davam edir

  • whatsapp
  • messenger
  • telegram
  • vkontakte
  • odnoklassniki

Deputat Fazil Mustafa hərbi qulluqçuların pensiya məsələsi ilə bağlı yeni qanun layihəsinin hazırlanmasını təklif edib.

NOCOMMENT modern-ə istinadən xəbər verir ki, bununla bağlı deputat parlamentin bu gün keçirilən plenar iclasında danışıb.

O qeyd edib ki, hərbçilər üçün ayrıca qanuna ehtiyac var: “Əvvəllər Azərbaycanda belə bir ayrıca qanun olub. Lakin sonradan bu qanun “Əmək pensiyaları haqqında” Qanuna əlavə edilib. Hərbçilərimiz 59% dəyər itkisinə məruz qalırlar. Bu insanlar üçün aydın qaydalar olmalıdır. Azərbaycan Ordusunun Təlim və Tədris Mərkəzinin Maliyyə xidmətinin rəisi Rəşad Məlikzadə 9 milyon manata yaxın mənimsəmədə təqsirləndirilir. Bu mənimsənən vəsait şəhidin qan puludur”.

Deputat qeyd edib ki, bu, birinci hal deyil: “Bundan əvvəl də Müdafiə Nazirliyində mənimsəmə ilə bağlı tutulanlar var. Bu necə ola bilər? Biz axı ən ciddi xəyanətkarları Müdafiə Nazirliyindən uzaqlaşdırdıq. Yenə də yeyinti davam edir. Hərbi qulluqçularla bağlı bu məsələləri əlahiddə məsələ kimi qəbul edib, müzakirəyə çıxarmalıyıq. Təklif edirəm ki, bu məsələyə bir də baxılsın. Sabah dinc dövr olarsa, müharibə şəraiti aradan qalxarsa, birləşdirilmə təmin edilər. Son hadisələr göstərdi ki, risk altında olan əsas təbəqə hərbçilərdir. Onların şəhadətini heç nə əvəz edə bilməz”.