Rusiya Əfqanıstanla terrorizm və narkotiklərin qanunsuz dövriyyəsi ilə mübarizədə qarşılıqlı faydalı əməkdaşlığı gücləndirməyi, ticarət və investisiya əlaqələrini artırmağı planlaşdırır.
NOCOMMENT.az xəbər verir ki, Rusiya Xarici İşlər Nazirliyi bu barədə Ali Məhkəmənin “Taliban” hərəkatının (hərəkat terrorçu kimi tanınır) fəaliyyətinə qoyulan qadağanın dayandırılması barədə qərarından sonra məlumat verib.
“Moskva Kabillə ticarət, biznes və investisiya əlaqələrinin artırılmasına xüsusi diqqət yetirmək niyyətindədir. Əfqanıstan özünəməxsus geostrateji mövqeyi ilə iri enerji və infrastruktur layihələrinin həyata keçirilməsində əlaqələndirici halqaya çevrilə bilər”, – diplomatik departament qeyd edib.
Xarici İşlər Nazirliyi vurğulayıb ki, Talibanın terrorçu statusunun dayandırılması BMT-nin hərəkatla əlaqəli şəxslərə və təşkilatlara qarşı sanksiyalarına əməl olunmasını ləğv etmir.
