Yaponiya Misir xəstəxanalarına kritik tibbi yardım vəsaiti ayırmaq üçün Dünya Səhiyyə Təşkilatı ilə müqavilə imzalayıb.
NOCOMMENT.az xəbər verir ki, Yaponiyanın Misirdəki səfiri Oka Hiroşi bildirib ki, müqavilənin məqsədi Qəzzadakı yaralı insanların müalicəsini təmin etməkdir:
“Yaponiya hökuməti adından ÜST ilə hərtərəfli razılaşmanı imzalamaqdan böyük məmnunluq duyuram. Biz Misir xəstəxanalarını təcili tibbi avadanlıq və ləvazimatlarla təmin etmək üçün təxminən 8 milyon ABŞ dolları dəyərində dəstək veririk. Bu, Qəzzadan təxliyə edilmiş çoxlu fələstinlinin həyatını xilas etmək üçün Misir hökumətinin və xəstəxanaların səylərini dəstəkləmək üçün mühüm təşəbbüsdür”.
Səfir qeyd edib ki, lazımi tibbi yardımların təmin edilməsi üçün maliyyə dəstəyi 8 milyon dollar təşkil edir.
