Yaponiyanın müdafiə naziri Hamada Yasukazu və Çinin müdafiə naziri Li Şanqfunun Sinqapurda görüşəcəyi bildirilib.
NOCOMMENT.az xəbər verir ki, Kyodo agentliyinin məlumatına görə Həmada və Şanqfu iyunun 2-4-də Sinqapurda keçiriləcək təhlükəsizlik forumu olan Şanqri-La Dialoqu çərçivəsində görüşəcək.
Görüşün Yaponiyanın Xirosima şəhərində keçirilən və mayın 21-də başa çatan G7 Sammitindən sonra elan edilməsi diqqət çəkib.
Məlumata görə Yaponiyanın müdafiə naziri Həmada Çin sahil mühafizə gəmilərinin Yaponiyanın ərazi sularını pozması, Yaponiya ətrafında keçirilən Çin-Rusiya birgə təlimi və Tayvan boğazında sülh və sabitliyin qorunmasının vacibliyi kimi məsələləri müzakirə edəcək.
Qeyd edək ki, bu il Çin-Yaponiya Sülh və Dostluq Sazişinin 45-ci ildönümüdür.
NOCOMMENT.AZ
