Yaponiya Müdafiə Nazirliyi hərbi süni intellektin (AI) inkişafı üçün tədqiqat mərkəzinin yaradılmasını elan edib.
NOCOMMENT.az xəbər verir ki, bu barədə “Nikkei Asia” məlumat yayıb.
Nəşr aydınlaşdırıb ki, yeni qurum Amerika Müdafiə üzrə Qabaqcıl Araşdırma Layihələri Agentliyinin modeli əsasında yaradılır. Mərkəz özəl texnologiya şirkətlərinə sərmayə qoymağı öz üzərinə götürəcək. Bu cür tədqiqat layihələrinin uğuru üç il ərzində qiymətləndiriləcək. Şirkət uğursuzluq halında toplanmış vəsaiti qaytarmamaq hüququnu özündə saxlayır.
Hərbi idarə avtonom nəqliyyat vasitələri yaratmaq üçün süni intellekt əsasında texnologiya hazırlamağı planlaşdırır. Bundan əlavə, Müdafiə Nazirliyi atomaltı hissəciklər və elektromaqnit dalğalarından istifadə etməklə sualtı qayıqların aşkarlanmasının yeni üsullarını hazırlamağı planlaşdırır.
