Yaponiyanın eyniadlı şəhərinin mərkəzində, Naqano vağzalının yaxınlığında naməlum şəxs bıçaqla insanlara hücum edib.
NOCOMMENT.az xəbər verir ki, bu barədə Yaponiyanın Kyodo agentliyi məlumat yayıb.
“Yaponiyanın xizək kurortlarının əsas mərkəzi olan mərkəzi qatar stansiyasında bir nəfər həyatını itirib, iki nəfər yaralanıb. Şübhəli şəxs hadisə yerindən qaçıb”, – məlumatda deyilir.
Agentliyin məlumatına görə, hücum yerli vaxtla saat 20:00 radələrində (Moskva vaxtı ilə 14:00) baş verib. İlkin məlumata görə, təxminən 40-50 yaşlı kişi stansiyanın yaxınlığındakı dayanacaqda avtobus gözləyən insanlara bıçaqla hücum edib.
