Bu gün Moskvada Azərbaycan və Ermənistanın Baş nazirlərinin müavinləri Yaqub Eyyubovla Mqer Qriqoryan qeyri-rəsmi söhbət aparıblar.
NOCOMMENT Sputnik Armenia-ya istinadən xəbər verir ki, bu barədə məlumatı Mqer Qriqoryanın ofisi yayıb.
Məlumata görə, tərəflər arasında söhbət MDB İqtisadi Şurasının iclası çərçivəsində baş tutub.
“Söhbət qeyri-rəsmi olub, ayaqüstü və bir neçə dəqiqə davam edib, onun mövzusu isə Ermənistan-Azərbaycan sərhədindəki son gərginlik olub”, – deyə Ermənistan baş nazirinin müavininin ofisi qeyd edib.
Baş nazirlərin müavinləri arasında söhbət dar və geniş tərkibdə keçirilən görüşləri arasında baş tutub.
