Yaşıl çay dünyada ən çox istifadə edilən içkilərdən biridir və sağlamlıq üçün faydalı hesab olunur. Lakin onun həm müsbət, həm də mənfi təsirləri var.
NOCOMMENT.az xəbər verir ki, yaşıl çay tərkibində güclü antioksidantlar – katexinlər və polifenollar saxlayır. Bu maddələr orqanizmi zərərli təsirlərdən qoruyur, ürək-damar sisteminin sağlam qalmasına kömək edir və xolesterinin tənzimlənməsində rol oynayır. Eyni zamanda maddələr mübadiləsini sürətləndirərək arıqlama prosesinə dəstək verir, diqqəti artırır və immun sistemini gücləndirir. Dəri sağlamlığına da müsbət təsir göstərdiyi bildirilir.
Bununla yanaşı, yaşıl çayın həddindən artıq istifadəsi bəzi ziyanlı nəticələrə səbəb ola bilər. Tərkibində olan kofein yuxusuzluq və əsəbilik yarada bilər. Ac qarına içildikdə mədə narahatlığı və turşuluğun artması müşahidə oluna bilər. Həmçinin bəzi hallarda dəmirin orqanizmə sorulmasını azalda və uzun müddət çox istifadə edildikdə qaraciyərə mənfi təsir göstərə bilər.
Mütəxəssislər gündə 2–3 fincan yaşıl çayın kifayət etdiyini bildirirlər. Bu miqdarda istifadə edildikdə yaşıl çay həm faydalı, həm də təhlükəsiz sayılır./Metbuat.az/
