Azərbaycan Respublikası Prezidentinin 25 iyul 2022-ci il tarixli sərəncamı ilə Lerik Rayon İcra Hakimiyyəti başçısı təyin edilmiş Əkbər Bəxtiyar oğlu Abbasov bu gün Prezidentin köməkçisi – Ərazi-təşkilat məsələləri şöbəsinin müdiri Zeynal Nağdəliyev tərəfindən kollektivə təqdim edilib.
NOCOMMENT.az xəbər verir ki, təqdimatdan sonra rayon icra hakimiyyəti başçısı Əkbər Abbasov müstəqil Azərbaycanın memarı, Ulu Öndər Heydər Əliyevin mərkəzi meydanda ucaldılmış abidəsini ziyarət edib, abidə önünə tər gül-çiçək dəstələri qoyub.
Daha sonra Azərbaycanın ərazi bütovlüyü uğrundqa canlarını fəda etmiş lerikli şəhidlərin əziz xatirəsinə ucaldılmış “Şəhidlər” abidə kompleksini və Vətən Müharibəsi Qəhrəmanı Amid Rəbbil oğlu Heydərovun büstünü ziyarət edib, tər gül-çiçək dəstələri düzüb.
İcra başçısı Vətən Müharibəsi Qəhrəmanının atası Rəbbil Heydərovla görüşərək səmimi söhbət edib.
