Operativ Qərargahın son qərarına uyğun olaraq, bəzi obyektlərə giriş yalnız COVİD-19 pasportu ilə mümkündür.
Qərarla bağlı 1 doza vaksin olunan vətəndaşlar çaşqınlıq içindədirlər.
Məsələ ilə bağlı Daxili İşlər Nazirliyinin Mətbuat Xidmətinin rəsmisi Elşad Hacıyev NOCOMMENT-ə bildirib ki, əslində qərar o qədər də mürəkəb deyil:
“Hazırda mütləq qaydada COVİD-19 pasportu olan şəxslər həmin məntəqələrə daxil ola bilir. 1 doza vaksin olunan şəxslər isə həmin məntəqələrə daxil ola bilmir”.
Qeyd edək ki, qərar bu gündən – sentyabr ayının 1-dən qüvvəyə minib.
Nərmin Vüqarqızı
