“Azərbaycan və Ermənistan müdafiə nazirləri Zakir Həsənovla Suren Papikyan arasında hazırda operativ əlaqə yoxdur”.
NOCOMMENT Sputnik Armenia-ya istinadən xəbər verir ki, bu barədə Ermənistan müdafiə nazirinin mətbuat katibi Aram Torosyan bildirib.
“Artıq bir neçə aydır ki, iki ölkənin müdafiə qurumlarının rəhbərləri arasında operativ əlaqə yoxdur”, – deyə o əlavə edib.
Müdafiə Nazirliyinin nümayəndəsi bunun nə vaxtdan davam etdiyini və səbəblərini açıqlamaqdan boyun qaçırıb.
Operativ əlaqə barədə Ermənistanın baş naziri Nikol Paşinyan hələ 2021-ci ilin noyabrında danışmışdı. O qeyd etmişdi ki, bu əlaqə Ermənistan-Azərbaycan sərhədində münaqişəli vəziyyətlərin və insidentlərin operativ həllinə kömək edir.