Tovuzda intihar hadisəsi baş verib.
NOCOMMENT apa-ya istinadən xəbər verir ki, Tovuz şəhər sakini, 1996-cı il təvəllüdlü Məhərrəmov Ülvi Nəsir oğlu yaşadığı evdə özünü asıb.
Onun meyiti yaxınları tərəfindən asılmış vəziyyətdə tapılıb. Hadisə yerinə hüquq-mühafizə orqanların əməkdaşları cəlb olunub.
Bu gün səhər saatlarında Zaqatala şəhəri Cəlil Məmmədquluzadə küçəsində daha bir intihar hadisəsi baş verib.
Uzun müddət Zaqatala Rayon İcra Hakimiyyətinin hüquq şöbəsinə rəhbərlik edən Mehdi Seyidov özünü yaşadığı evin həyətyanı sahəsindəki ağacdan asaraq intihar edib. Onun xəstəlikdən əziyyət çəkdiyi bildirilir.
Faktla bağlı Zaqatala rayon prokurorluğunda araşdırma aparılır.
