Ukrayna prezidenti Vladimir Zelenski İstanbulda Rusiya Federasiyası ilə aparılan danışıqların əsas nəticəsi kimi əsir düşmüş hərbçilərin “1000-ə 1000” formatında dəyişdirilməsini adlandırıb.
NOCOMMENT.az xəbər verir ki, bu barədə o, Telegram kanalında yazıb.
“Hazırda komandamız mübadilənin təfərrüatlarını hazırlayır. Mən kömək edən hər kəsə minnətdaram”, -deyə o yazıb.
Bundan əlavə, Zelenski yenidən Ukraynanın 30 günlük atəşkəsə hazır olduğunu bəyan edib. O, həmçinin qeyd edib ki, Rusiya prezidenti Vladimir Putinlə görüşə hazırdır.
Qeyd edək ki, ayın 16-da İstanbulda Rusiya və Ukrayna nümayəndələri arasında 2022-ci ildən bəri ilk birbaşa danışıqlar baş tutub.
