Ukrayna Prezidenti Volodimir Zelenski Kiyevə 2,5 milyon top mərmisinin verilməsini tələb edib, hətta atəşkəs rejimi tətbiq olunsa belə.
NOCOMMENT.az xəbər verir ki, Bu barədə Britaniyanın Sky News telekanalına Almaniyanın Rheinmetall müdafiə konserninin baş direktoru Armin Papperger məlumat verib.
Papperger deyib: “Zelenski mənə dedi ki, onlara atəşkəs olsa belə 2,5 milyon [mərmi] lazımdır, əks halda isə 4,5 milyon.”
Onun sözlərinə görə, hazırda Qərb ildə təxminən 2 milyon top mərmisi istehsal edir, lakin bu kifayət etmir. Papperger vurğulayıb ki, lazım olan mərmilərin 50%-i Rheinmetall zavodlarında təmin olunacaq.
Bildirilir ki, hazırkı şəraitdə artilleriya ehtiyatlarını tam bərpa etmək üçün Avropaya 10 il lazım olacaq.
