Ukrayna Prezidenti Vladimir Zelenski Nazirlər Kabinetinə Belarusla aviaəlaqənin kəsilməsi ilə bağlı hazırlıqların aparılmasını tapşırıb.
NOCOMMENT.az xəbər verir ki, bu barədə Ukrayna prezidentinin ofisindən məlumat verilib.
Qeyd edək ki, dünən Afinadan Vilnüsə uçan təyyarə Minskdə təcili eniş edib. Əvvəlcə bildirilib ki, təyyarədə bomba var və axtarış aparılacaq. Daha sonra bomba məlumatının yalan olduğu üzə çıxıb. Əvəzində isə təyyarədə olan “Nexta” Teleqram kanalının keçmiş rəhbəri, Belarusun ekstremist elan etdiyi Roman Protaseviç saxlanılıb.
Axar.az
