Ukrayna Prezidenti Vladimir Zelenskinin təhlükəsizliyi Bayden administrasiyasında xüsusi narahatlıq doğurur.
NOCOMMENT.az xəbər verir ki, bu barədə “Amerikanın Səsi”nin müxbiri Ceff Seldin “Twitter”də ABŞ prezidentinin köməkçisi Ceyk Sallivanın son çıxışına istinadən məlumat verib.
O qeyd edib ki, Birləşmiş Ştatlar Zelenskinin təhlükəsizliyindən narahatdır, çünki “o, müharibə şəraitində olan, amansız, qəddar və demək olar ki, hər şeyə qadir olan düşmənlə mübarizə aparan ölkənin lideridir”.
Ukraynadakı məqsədimizin bir hissəsi güc, dəyanət, təmkin və başqaların başqa yerdə saxlamaq qabiliyyətlərini nümayiş etdirməkdən ibarətdir”, – deyə jurnalist Sullivandan sitat gətirib.
Qeyd edək ki, müharibə başlayandan bəri Zelenskiyə beş dəfə sui-qəsd edildiyi bildirilib. Ukrayna Milli Təhlükəsizlik və Müdafiə Şurasının katibi Aleksey Danilovun sözlərinə görə, bu cəhdlər hamısı fevralın sonu, martın əvvəllərində baş verib.
Danilov hücumların təfərrüatlarını açıqlamadı, baxmayaraq ki, Rusiyanın tammiqyaslı təcavüzünün başlanğıcında o, Zelenskini öldürmək tapşırığı verilmiş, lakin “tamamilə məhv edilmiş” çeçen döyüşçülərdən ibarət dəstə haqqında açıq danışmışdı.
Eyni zamanda, prezidentin özü də hesab edir ki, ona qarşı planlaşdırılan sui-qəsd cəhdləri o qədər də dəhşətli deyil, lakin Kreml rəhbərinin daha çox problemləri var. Zelenskinin fikrincə, dünya ölkələrinin Putinin siyasətinə münasibəti də bunu təsdiq edir.
Bakupost
